Ingrediènc per sés persune:
- 150 gram de fasöi biànch (spagnù)
- 1 sìgola
- 1 spida de ài
- més pierunsì
- 2 gambe de sèlem
- 3 caròtole
- 3 söchì
- 2 patate
- 2 pomàtes pelàcc
- 1 rés de scaròla
- 2 cügià de pedensèm
- Formai grana gratàt
- Öle de ülìa, de chèl bù
- Sal
Preparassiù:
Mondà per bé töte i verdüre, teàle zó a tochèi e pondìle töte in d’öna pignata. Sbrofà ‘l töt con d’ü gutì de öle, e fa cös per mès menüt col föch vìscol, per faga ciapà culùr e saùr. Po’ leà ‘l ài e quarcià zó töt de aqua. Giöstà de sal e fa cös per ön’ura a föch regolàr. A la fì de la cotüra mètega dét amò ü spissighì de pierunsì tridàt fì, ü gutì de öle e sversà ‘n di fondine con d’öna passada bondante de formài grana gratàt.
Dalmine, gennaio 2014 fac/