Cara me Bèrghem
I tà batezat la città dei Mille
la città del Coleù e del Donizèt,
l’anticaméra del Vaticano,
ol consorzio dé Suore e Precc…
a sént ol Giupì, i püdia nüminam
po a me, l’Arléchì e l’Atalanta…
ma forse i ga resù
dé tégném mia in considerassiù…
me ho sèmpér ragiunat col bastù,
l’Arlechì al se éndit ai Venessià
e l’Atalanta la ga gnamò dé digerì
i tri pom d’or dé Ippomene…
Ma te cara Bèrghem
ta réstét chèl che ta se…
la sità del me penser,
ol paradis di pitur e scültur
müsicisti e bèle us,
dei céntaüri e biciclete,
la Mecca dé chi ghe pias
polènta osei e bùséca…
Béla rassa forta e mai straca,
bu ol caratér e piötost calma
ma laséga mia mancà ol vì in taola.
Anche i dutur, i sé méticc a scrif riséte,
a base dé lacc e ì pér i coronarie…
costaöle e érz e strachì per netà i decc,
cuntra i carie………………
Töt ché li stà ol segreto
se i done Bérgamasche i è i se attraénti e béle
anche sensa ol bélét e pitürà i barbéle…
Öna sità sensa mistüre,
unpò dé sota e unpo’ de süra,
con chéla olta, in cürnìs di müre…
maéstus ol panorama, chél fa invidia
a tance quadér déla Carrara…
coi porte dé Sant Agostì e San Giacom
chi unura l’entrada.
La funicolar la ghé pénsa;
agli amanti dél giretto…
chi col bastù, chi a bracétto.
Mame chi porta i scécc a paseggio
o chi spéta ol lieto événto…
gli amanti dél cügià e forcheta,
o pér rimorchio i gà la bogéta.
Se in sità olta a sparla dé piasa egia…
al bas i préféres parlà dé Porta Nöa…
Dé Bèrghem me so talmente innemorat,
ché ala me mort desidererés,
almeno és sotrat.

Facchinetti Gino
Nenfestrasse – Heerbrugg – C.S.T. Gallo - Svizzera