Noèmber nebiùs ‘n de stal,
zemò de matina gh’ìa ü gran müimènt,
panére gratade co l’àcua sbroiéta,
cortèi ripassàcc coi fìi de la cut.

Töcc i spetàa ‘l rià del massàder,
l’éra lü che l’disìa che l’éra töt prónt,
l’indàa ‘n de la stala l’tiràa fò ‘l porsèl,
l’ìa cóme ü spetàcol, che töcc i spetàa.

Ü cólp de chi nècc e ‘l póer porsèl,
a l’dàa la sò éta per töte i famèe
che per töt ‘l an i gh’éra dacc
anche ergót del sò personàl per fàl dientà bèl.

Finìd la giornada e fò là ‘n de stal,
gh’ìa adóma öna smàgia de àcua,
i péi, i ónge coi rèscc de trà vià,
i era testimòne de ü tòch de éta che turnàa a girà.

Gigi Medolàgh

  Novembre mese nebbioso negli stalli,
già di mattina c’era un gran movimento,
recipienti grattati e puliti con acqua bollente,
coltelli affilati con la pietra.

Tutti aspettano l’arrivo del macellaio,
era Lui che diceva che era tutto pronto,
andava nella stalla e trascinava fuori il maiale,
era lo spettacolo che tutti aspettavano.

Un colpo secco e il povero maiale,
dava la sua vita al sostentamento delle famiglie
che per tutto l’anno lo avevano alimentato
dandogli anche di più per farlo diventare più bello.

Terminata la giornata nel cortile della cascina,
era rimasto solo una macchia scura di acqua,
peli, le unghie con alcuni resti da portare via,
erano testimoni di un pezzo di vita che girava di nuovo.